Bashkia Rrogozhine
Atmosfere festive ne Bashkine Rrogozhine
Bashkia Rrogozhine
images/headers/br-christmas.jpg

Plazhi i Spillesë

Zhvillimi i turizmit është kthyer në pritoritet edhe për Bashkinë e Rrogozhinës si rezultat i reformës së re administrative-territoriale sipas së cilës, 15.52 km vijë bregdetare i kalohen nën juridiksion Bashkisë. Kjo vijë bregdetare shtrihet përgjatë plazhit të Spillesë dhe bën pjesë në njësitë administrative Gosë e Kryevidh. Duke filluar prej sezonit veror të vitit 2016, një pjesë krejtësisht e pa shfrytëzuar e plazhit, është kthyer tashmë në atraksion pushimi dhe turizmi veror për pushues kryeqytetas dhe të zonës përreth.

 

Ndryshe nga shumë zona turistike bregdetare të vendit, në të cilat situata është tepër kaotike si rezultat i ndërtimeve informale përgjatë vijës bregdetare, në këtë zonë panorama është krejt e kundërt dhe tejet e favorshme për zhvillim të qendrueshëm të turizmit bregdetar sezonal.

 

Në hapësirat publike të shtrira përgjatë vijës bregdetare janë ndërtuar 34 stacione plazhi ku çdo njeri prej tyre ka një hapësirë nga 200 deri ne 5000 m2 në përdorim. Midis stacioneve të plazhit, sikurse parashikohet në VKM nr.369 datë 18.05.2016 “Për miratimin e rregullores për kushtet dhe kriteret e ushtrimit të veprimtarisë së stacionit të plazhit”, është ruajtuar një hapësirë e pashfrytëzuar prej 30m, janë vendosur 8 kulla vrojtimi me 16 roje plazhi, të cilët patrullojnë gjatë gjithë sezonit veror në shëtitoren e plazhit. Falë investimit prej 2,4 milion euro, vetëm përgjatë vitit 2016 janë numëruar 20 mijë pushues në ditë dhe numri i biznesve është rritur ndjeshëm duke kontribuar kështu në rritjen ekonomike të gjithe zonës.

Atraksionet ditore për pushuesit si shumëllojshmëria kulinare, aktivitetet sportive, bar-et etj., do të pasurohen me aktivitete të tjera përgjatë sezoneve në vijim si festivalet verore, kampingje për makinat rulot, peshkim etj.

Kalaja e Bashtovës

Zona e Bashtovës, e cila përmendet në dorëshkrimet historike si port lumor në Shkumbin dhe qendër e eksportit të drithërave, është sot një nga zonat me potenciale zhvillimi turistike më të mëdha në zonë. Në këtë zonë ndodhen dy monumente shtetërore:  Kalaja e Bashtovës, monument kulture, dhe pylli i dafinave, monument natyre, i cili lulëzon përqark kalasë.

Kalaja e Bashtovës, monument kulture i qytetërimit mesjetar ngrihet pranë fshatit Vilë-Bashtovë në një distancë rreth 3-4 km në veri të grykëderdhjes së lumit Shkumbin. Kalaja është ndërtuar në shekullin e XV dhe u ka shërbyer venecianëve për shkëmbime tregtare. Ajo ka formë katërkëndore me përmasa 60 x 90 metra, dhe mure 9 m të lartë. Pjesa perëndimore e Kalasë është rindërtuar në shekullin e XVIII. Sipas të dhënave historike dhe arkeologjike kalaja mendohet të ketë qenë dy-katëshe, ku një kat i saj është i fundosur nën sipërfaqen e tokës, rrënojat e së cilës mbeten ende për t’u zbuluar.

Kalaja e Bashtovës njihet si e vetmja kala në Ballkan e ndërtuar në fushë. Rrethinat e saj kanë mbetur të plota dhe sot vizitohen nga shumë turistë vendas dhe të huaj. Shumë objekte të zbuluara në kala ruhen sot në Muzeun Kombëtar të Tiranës.

Zona e Bashtovës, njihet gjithashtu edhe për shumëllojshmërinë e prodhimit të djathrave dhe prodhimin e vajit të ullirit. Në të ndodhet gjithashtu një prej fermave më në zë të vendit për prodhimin e kërminjve.

Në muajt e ardhshëm, Bashkia synon:

  • të shndërrojë kalanë në atraksion të mirfilltë turistik, duke përmirësuar infrastrukturën që lidh kalanë me qendrën e fshatit si edhe infrastrukturën e kanalizimeve në afërsi të kalasë për të shmangur rrezikun e përmbytjes së kalasë për shkak të vendodhjes së saj në fushë;
  • përfshirjen e Kalasë në guidat turistike
  • promovimin e produkteve të zonës, si prodhimi i kërminjve, i cili eksportohet në Francë dhe ai i luleshtrydheve që eksportohet kryesisht në Itali.

 

  • Objekte me vlerë të veçantë kombëtare

Monumente kulture:        Kalaja e Vilë- Bashtovës

                                        Parku i Okshtunit

                                        Rrënoja arkeologjike në qytet

 

Monumente natyrore:   Fosilet detare të Thertorit  

                                         Burimet sulfurore tw Syballajt

Zonë e mbrojtur:              Parku kombëtar Divjakë – Karavasta

                                        Derdhja e lumit Shkumbin – Këneta e Osmanit

Rreth Rrogozhinës

Bashkia Rrogozhinë ka një sipërfaqe prej 223.69 km2 dhe ndodhet në pjesën e ulët perëndimore të Shqipërisë, e cila nga pikëpamja gjeomorfologjike quhet Ultësira PranAdriatike...

Buletini

Lorem ipsum dolor sit amet, consectetur adipiscing elit. Sed molestie scelerisque ultrices. Nullam venenatis, felis ut accumsan vestibulum, diam leo congue nisl, eget luctus sapien libero eget urna. Duis ac pellentesque nisi.

Kontakt

Adresa : Bashkia Rrogozhinë , Lagjja. nr. 1,Rruga e . “ Kavajës”, Blloku “12 Shtatori” Tel/Fax 057722031

email: brrogozhine@gmail.com

 

Orari zyrtar për kontaktime me zyrat e bashkise eshte  nga ora 08:00 – 16:00