Skip to content Skip to left sidebar Skip to footer

Day: April 4, 2025

Rrogozhina, pjesë e “Giro d’Italia – La Grande Partenza 2025”

Një tjetër hap i madh drejt promovimit ndërkombëtar të qytetit tonë.

Bashkia Rrogozhinë është krenare të jetë pjesë e një prej eventeve më të mëdha sportive në botë – Giro d’Italia, që këtë vit vjen në Shqipëri. Në datat 9 – 11 Maj 2025, “La Grande Partenza” – Nisja e Madhe e garës do të zhvillohet në vendin tonë, duke përfshirë edhe territorin e Rrogozhinës në itinerarin zyrtar të kësaj gare historike.

Rrogozhina bëhet pjesë e një ngjarjeje ndërkombëtare të këtij niveli, duke marrë vëmendjen e miliona sportdashësve në mbarë botën, përmes transmetimeve në mbi 200 televizione ndërkombëtare.

Kjo përfshirje është një arritje domethënëse për qytetin tonë, jo vetëm në aspektin sportiv, por edhe në atë të zhvillimit ekonomik, turizmit dhe promovimit kulturor. Bashkia Rrogozhinë po punon intensivisht për të shfrytëzuar këtë mundësi historike, përmes aktiviteteve kulturore, artistike dhe promovuese, që do të zhvillohen paralelisht me garën, në territorin e bashkisë.

Giro d’Italia 2025 është një dritare drejt botës për të treguar bukuritë e Rrogozhinës, energjinë e komunitetit dhe potencialin e saj si destinacion i rëndësishëm turistik dhe sportiv në rajon.

Ky angazhim përfaqëson një tjetër hap të rëndësishëm në rrugën e zhvillimit dhe ndërkombëtarizimit të qytetit tonë.

Bashkia Rrogozhine 💚

Bashkia Rrogozhinë & FSHF – Bashkëpunim për Sportin dhe Rininë

Bashkia Rrogozhinë, në bashkëpunim me Federatën Shqiptare të Futbollit (FSHF), është përfshirë në organizimin e Kampionatit Evropian U-17. Ky partneritet përfaqëson një model të suksesshëm bashkëpunimi ndërinstitucional për zhvillimin e sportit dhe angazhimin e të rinjve.

Bashkia Rrogozhinë mbetet e përkushtuar për të mbështetur nisma që lidhen me zhvillimin e komunitetit përmes sportit, edukimit dhe pjesëmarrjes aktive të të rinjve.

Përmes kësaj nisme, Rrogozhina ka kontribuar në një aktivitet të rëndësishëm ndërkombëtar, duke ndihmuar në promovimin e sportit dhe në rritjen e profilit të qytetit në nivel kombëtar dhe evropian.

Bashkia Rrogozhine