Gjatë një vizite në Bashkinë Rrogozhinë, patëm kënaqësinë të diskutojmë së bashku me Znj. Elisa Spiropali, Kryetaren e Kuvendit të Shqipërisë, mbi investimet, buxhetet dhe angazhimet e nevojshme për zhvillimin e komunitetit. Në fokus të bisedimeve ishin përmirësimi i infrastrukturës dhe shërbimeve publike, si dhe mbështetja për projekte që do të ndikojnë drejtpërdrejt në cilësinë e jetës së qytetarëve.
Jemi besimplotë se do të kemi mbështetje maksimale për investimet publike, në përputhje me vizionin afatgjatë, i cili synon transformimin e vendit dhe përmirësimin e shërbimeve për qytetarët.
Në mbledhjen e Këshillit Bashkiak të zhvilluar më 26 Shtator 2024 u diskutuan dhe miratuan një sërë çështjesh të rëndësishme për qytetin e Rrogozhines.
Falenderojmë të gjithë qytetarët që morën pjesë fizikisht në mbledhjen e sotme të Këshillit Bashkiak, si dhe ata që na ndoqën live përmes kanalit të Këshillit Bashkiak Rrogozhinë në Facebook.
Vendimet e marra gjatë kësaj mbledhjeje janë jashtëzakonisht të rëndësishme për zhvillimin dhe mirëqenien e qytetit tonë. Pjesëmarrja dhe mbështetja juaj aktive luan një rol kyç në realizimin e këtyre nismave për të mirën e përbashkët të komunitetit.
Pikat kryesore të cilat u trajtuan përfshijnë:
1- Miratim i rendit të ditës.
2- Miratim i procesverbalit Nr.10, të mbledhjes së Këshillit Bashkiak datë 19.07.2024.
3- Miratim i projekt-vendimit, “Për dhënien e ndihmës ekonomike për familjet në nevojë për muajin Korrik 2024 nga fondi i Bllok – Ndihmës 6%”.
4- Miratim i projekt-vendimit, “Për dhënien e ndihmës ekonomike për familjet në nevojë për muajin Gusht 2024 nga fondi i pushtetit vendor”.
5- Miratim i projekt-vendimit, “Për dhënien e ndihmës ekonomike për familjet në nevojë për muajin Shtator 2024 nga fondi i pushtetit vendor”.
6- Miratim i projekt-vendimit, “Për miratimin e kërkesës për mbështetje financiare në lidhje me rehabilitimin e rezervuarit të Domen, fshati Domen, Njësia Administrative Kryevidh”.
7- Miratim i projekt-vendimit, “Për miratimin e nismës së Aleancës së Grave Këshilltare, për mbështetjen financiare të projektit ‘Një rrugëtim drejt të ardhmes’.
8- Miratim i projekt-vendimit, “Për miratimin e kërkesës së z. Xhelal Tosku për sponsorizimin e botimit të librit”.
9- Miratim i projekt-vendimit, “Për miratimin e fondit të akorduar për mbulimin e rritjes së nivelit të pagave”.
10- Miratim i projekt-vendimit, “Për miratimin e nivelit të pagave të funksionarëve të zgjedhur e të emëruar, të nëpunësve civilë e të punonjësve administrativë të njësive të bashkisë Rrogozhinë”.
11- Informacion nga Drejtoria e Politikave Urbane dhe Sektorëve të saj, mbi punën e bërë për periudhën Janar-Korrik 2024.
12- Informacion mbi masat e marra nga Drejtoria Bujqësisë, Veterinarisë, Pyjeve, Kullimit dhe Vaditjes për pastrimin e kanaleve të para të dyta e të treta dhe përgatitja e tyre për dimrin.
13- Informacion mbi punën e bërë nga Sektori i Pyjeve dhe përmisimin e shërbimeve dhe veprimtarisë që ofron në këtë fushë.
14- Informacion mbi punën e bërë për përgatitjen e vitit të ri shkollor nga Drejtoria e Arsimit dhe Drejtoria e Shërbimeve Mbështetëse pranë Bashkisë.
15- Raport nga Administratorët e Njësive Administrative Kryevidh, Lekaj, Gosë, Sinaballaj mbi
mbarëvajtjen e punës dhe problematikat e hasura përgjatë periudhës Qershor – Gusht 2024.
16- Të ndryshme.
– Shqyrtim i kërkesës së qytetarit z. Fahri Rexhepi për trajtimin dhe strehimin e qenve endacakë.
– Shqyrtim i kërkesës së qytetarit z. Haziz Kashari për ndihmë financiare për rikuperimin e dëmit të kafshëve të ngordhura.
Me kënaqësi ju njoftojmë se “Festivali i Bashtovës” do të rikthehet këtë vit në datën 21 Shtator, ora 19:00 – 21:00.
🔴 Ndryshe nga vitet e kaluara, për shkak të rikonstruksionit të kalasë së Bashtovës, festivali do të zhvillohet këtë vit në Parkun e Qytetit – Rrogozhinë.
🟠 Ju ftojmë të bëheni pjesë e kësaj ngjarjeje të veçantë, për të kaluar një mbrëmje të këndshme dhe plot aktivitete.
Në Gosë të Vogël në një takim me fermerin Gezim Shaba në parcelën e tij me hurma të varieteteve të ndryshme dhe pemë të tjera frutore.
Parcela me nje sipëfaqe rreth 45 dynym, prodhon fruta të cilësisë më të mirë ku më pas grumbullohen në frigorifer për tu tregtuar jashtë vendit.🙂
Jemi te lumtur që puna e fermerëve përveçse po vlerësohet gjithnjë e më tepër, edhe vetë ata nuk ndalen për të investuar në bujqësi dhe për të shitur produktet e tyre brenda e jashtë vendit.🤝
Hidrovori që ndodhet në fshatin Rreth-Greth do ti nënshtrohet riparimit total duke ndihmuar për kullimin e qindra hektarëve tokë në zonën e njësisë Kryevidh.🤝
Në këtë periudhë pushimesh, dëshirojmë të shprehim mirënjohjen për të gjithë ata që kontribuojnë në ruajtjen e mjedisit. Faleminderit për të gjithë punonjësit !
🌿 Ju lutemi, hidhni mbetjet në vendet e caktuara për të ndihmuar në mbajtjen e pastërtisë dhe bukurisë së natyrës që na rrethon.
Pushimet janë një kohë për t’u çlodhur dhe për të shijuar ambientin përreth, por kujdesi për mjedisin mbetet një përgjegjësi e përbashkët. Çdo veprim i vogël për të mbajtur pastër mjedisin, është një kontribut me mjaft rëndësi.
Bashkia Rrogozhinë 💚🌍
Bashkë, për një mjedis më të pastër dhe më të bukur! 🙌
Në vetëm një vit, janë kryer investime të rëndësishme në qytet dhe janë realizuar projekte të mëdha. Përmirësimet janë të ndjeshme në çdo sektor. Kryetari i Bashkisë Z. Edison Memolla, falenderon gjithsecilin për mbështetjen dhe premton vëmendje dhe punë maksimale në çdo sektor dhe individ ku është e nevojshme.🤝 Faleminderit !
