AKTIVITETE

Ju ftojmë të merrni pjesë në “Festivalin Folklorik Kombëtar” që do të mbahet më 22 Maj në orën 18:00 në Qendrën Kulturore “Haxhi Memolla” në Rrogozhinë! 🇦🇱

Le të kalojmë të gjithë bashkë një ditë të këndshme dhe ndryshe.

Falenderojmë bashkëpunëtorët tanë për angazhimin dhe kontributin e tyre në realizimin e këtij festivali, i cili synon të promovojë kulturën dhe vlerat tona kombëtare. 🤝

Për të mësuar më shumë dhe për të konfirmuar pjesëmarrjen tuaj, na kontaktoni në numrin e telefonit që gjendet më lart.

Duke festuar Fitoren e Kupës se Shqipërisë, ne jemi jashtëzakonisht krenarë për lojtarët dhe stafin e Egnatias. Ky sukses jo vetëm që është një dëshmi e shkëlqyer e bashkëpunimit dhe punës së palodhur, por gjithashtu dëshmon përkushtimin dhe pasionin me të cilin ju punoni.

Ky është një moment i rëndësishëm për Egnatian tonë . Le të vijojë kjo rrugë e sukseseve dhe e arritjeve të mëdha.

Urime për fitoren dhe vazhdoni të na bëni krenarë!

Punimet për veshjen e fasadave të pallateve kanë filluar, duke përmirësuar jo vetëm pamjen, por edhe cilësinë e ndërtesave. Ky investim do të vazhdojë me përmirësime në infrastrukturë në të gjitha zonat ku ka nevojë për ndërhyrje , duke siguruar një mjedis më të mirë dhe funksional për banorët. Kjo nismë synon të rrisë estetikën dhe cilësinë e jetesës në qytet.

Në datën 5 Maj, ndalemi për të nderuar dhe kujtuar të gjithë ato që dhanë jetën për liri. Kjo datë shënon Ditën e Dëshmorëve, një moment reflektimi dhe falenderimi për sakrificën e tyre të madhe. Në këtë ditë të veçantë, le të përkujtojmë me krenari dhe respekt ata që lanë gjurmë të pashlyeshme në historinë e kombit tonë. Ata do të mbeten përherë në zemrat dhe mendjet tona si simbole të guximit dhe përkushtimit ndaj atdheut.

Gjithmonë mirënjohës për sakrificën e tyre.

Ne jemi jashtëzakonisht të nderuar dhe mirënjohës për të gjithë punëtorët që me dashuri dhe përkushtim të madh kontribuojnë në rritjen dhe prosperitetin e vendit tonë. Kjo ditë na jep mundësinë të njohim dhe falenderojmë secilin prej jush për angazhimin e palodhur dhe të pandërprerë. Ju dëshirojmë shëndet të plotë, lumturi dhe suksese të vazhdueshme . Le të ecim së bashku me shpresë dhe optimizëm .

Në takimin e zhvilluar dje me date: 25.04.2024 të Këshillit Bashkiak, janë shqyrtuar dhe miratuar disa çështje të rëndësishme që prekin jetën e përditshme të qytetarëve dhe zhvillimin e qëndrueshëm të komunitetit. Këto çështje përfshijnë zbatimin e masave të reja për dhënien e ndihmës ekonomike për të ndihmuar familjet në nevojë, si dhe për të përmirësuar kushtet e tyre jetësore. U miratua gjithashtu një plan strategjik për parandalimin e zjarreve që synon të rrisë sigurinë dhe të minimizojë dëmet në rast të zjarreve të mundshme.

Raporti i fundit nga policia bashkiake ofroi një pasqyrë të gjendjes së rendit dhe sigurisë publike, duke u fokusuar në masat e marra dhe sfidat aktuale në luftën kundër kriminalitetit dhe sigurimin e një mjedisi të sigurt për të gjithë banorët. Së bashku me këto, u diskutua dhe miratua një rregullore e re për caktimin e titujve të nderit lokal, një hap i rëndësishëm për të vlerësuar dhe njohur individët dhe grupet që kontribuojnë në përmirësimin e komunitetit.

Për të inkurajuar pjesëmarrjen dhe transparencën në vendimmarrje, bashkia ka vendosur të ftojë qytetarët të jenë më aktivë dhe të përfshihen në programet që synojnë të rrisin përfshirjen e tyre në proceset vendimmarrëse. Kjo është një mundësi për të gjithë qytetarët të ndikojnë drejtpërdrejt në politikat dhe projektet që formësojnë të ardhmen e tyre.

Ne faqen Facebook: “Keshilli Bashkiak Rrogoyhine” ju do te gjeni cdo njoftim rreth mbledhjeve te Keshillit Bashkiak dhe gjithashtu mund te ndiqni live cdo mbledhje qe Keshilli Bashkiak zhvillon. Kjo ofron një mundësi të shkëlqyer për të qenë të informuar dhe të përfshirë në çështjet lokale.

Facebook kliko: Keshilli Bashkiak Rrogozhine